ಕೋಲಿ ಸಮಾಜವನ್ನು ಸಹಕರಿಸಿದವರನ್ನು ಬೆಂಬಲಿಸಿ-ಶರಣಪ್ಪಾ ತಳವಾರ

ಚಿಂಚೋಳಿ :ಕೋಲಿ ಸಮಾಜದ ಜನ ಅತ್ಯಂತ ಮುಗ್ಧದು ಚುನಾವಣಾ ಸಂದರ್ಭದಲ್ಲಿ ಇತರೆ ಪಕ್ಷದವರು ನಮ್ಮನ್ನು ಬಳಸಿಕೊಂಡು ನಮ್ಮ ಬಲಿ ಪಶುಗೆ ಕಾರಣರಾಗುತ್ತಾರೆ ಇತರರ ಸೇವೆಗೈಯಲು ಹಾಗೂ ಲಾಭಕ್ಕಾಗಿ ನಾವು ಸಂಪೂರ್ಣ ಹಿಂದುಳಿದ್ದೇವೆ ನಾವು ಸಂದರ್ಭ ಬಂದಲ್ಲಿ ಕೊಟ್ಟ ಮಾತಿಗೆ ತಪ್ಪಲಾರದೆ ನಮ್ಮನ್ನು ನಾವು ಅರ್ಪಿಸಿಕೊಳ್ಳುತ್ತೇವೆ ಕಷ್ಟದಲ್ಲಿ ನಮ್ಮನ್ನು ಸಹಕರಿಸಿದವರು ಯಾರೇ ಇರಲಿ ಅವರಿಗೆ ಆಶೀರ್ವದಿಸಿ ಎಂದು ರಾಜ್ಯ ಬಿಜೆಪಿ ಹಿಂದುಳಿದ ವರ್ಗಗಳ ಉಪಾಧ್ಯಕ್ಷ ಶರಣಪ್ಪಾ ತಳವಾರ ತಿಳಿಸಿದರು

 

ಅವರು ನಗರದ ಮುಲ್ಲಾಮಾರಿ ನದಿಯ ದಂಡೆಯ ಮೇಲೆ ನಿಜಶರಣ ಅಂಬಿಗರ ಚೌಡಯ್ಯನವರ ಮೂರ್ತಿ ಪ್ರತಿಷ್ಠಾಪನಾ ಭೂಮಿ ಪೂಜೆಯಲ್ಲಿ ಪಾಲ್ಗೊಂಡು ಮಾತನಾಡುತ್ತಿದ್ದರು

 

ಪ್ರತಿಮೆ ದೇಣಿಗೆ ನೀಡಿ ಮಾತನಾಡಿದ ಶಾಸಕ ಡಾಃಅವಿನಾಶ ಜಾಧವ ತಾಲೂಕಿನ ಕೋಲಿ ಸಮಾಜದವರ ಬಹುದಿನಗಳ ಬೇಡಿಕೆಯಾಗಿತ್ತು ನಗರದಲ್ಲಿ ನಿಜಶರಣನ ಪ್ರತಿಮೆ ನಿರ್ಮಾಣವಾಗಬೇಕೆಂದು ಅವರ ಬೇಡಿಕೆಯ ಮೇರೆಗೆ ನಾನು ನಮ್ಮ ತಾತ ಗೋಪಾಲದೇವ ಜಾಧವ ಟ್ರಸ್ಟಿನವತಿಯಿಂದ ಪಂಚ ಲೋಹದ ಸುಂದರ ಪ್ರತಿಮೆ ನೀಡಿ ನಮ್ಮ ಮಾತು ಉಳಿಸಿಕೊಂಡಿದ್ದೇವೆ ಎಂದರು

 

ಮುಖ್ಯಾತಿಥಿಗಳಾಗಿ ಮಾತನಾಡಿದ ಕಲಬುರ್ಗಿ ಸಂಸದ ಡಾಃಉಮೇಶ ಜಾಧವ ಬಿಜೆಪಿ ಸರಕಾರ ಅಧಿಕಾರಕ್ಕೆ ಬಂದಾಗಿನಿಂದ ಚಿಂಚೋಳಿ ಕ್ಷೇತ್ರದ್ಯಂತ ಅನೇಕ ಜನಪರ ಕಾರ್ಯಗಳು ನಡೆದಿವೆ ಇನ್ನೂ ಕೆಲವು ಬಾಕಿಯಿವೆ ಅವುಗಳನ್ನು ಅನುಷ್ಠಾನ ಮಾಡಿ ಕಾರ್ಯರೂಪಕ್ಕೆ ತರಲು ಶಾಸಕ ಡಾಃಅವಿನಾಶ ಜಾಧವ ಅವರಿಗೆ ಆಶೀರ್ವದಿಸಿಯೆಂದು ಮನವಿ ಮಾಡಿದರು

 

ಕಾರ್ಯಕ್ರಮವನ್ನುದ್ದೇಶಿಸಿ ಸಮಾಜದ ಜಿಲ್ಲಾಧ್ಯಕ್ಷ ರವಿರಾಜ ಕೊರವಿ ರಾಜ್ಯ ಕಾರ್ಯದರ್ಶಿ ಲಕ್ಷ್ಮಣ ಅವುಟಿ ಮುಖಂಡ ಕಾಶಪ್ಪಾ ನಾಟಿಕರ್ ಗುಂಡಪ್ಪಾ ಅವರಾದಿ ಸೇರಿದಂತೆ ಇತರರು ಮಾತನಾಡಿದರು ಇದೇ ಸಂದರ್ಭದಲ್ಲಿ ಮೂರ್ತಿ ದೇಣಿಗೆ ನೀಡಿದ ಗೋಪಾಲದೇವ ಜಾಧವ ಟ್ರಸ್ಟಿನ ಸದಸ್ಯ ಶಾಸಕ ಡಾಃಅವಿನಾಶ ಹಾಗೂ ಮೂರ್ತಿ ನಿರ್ಮಾಣಕ್ಕೆ ಸ್ಥಳದಾನ ನೀಡಿದ ನವೀನ ಪಾಟೀಲ ಹಾಗೂ ಅರವಿಂದ ಪಾಟೀಲ ಸಹೋದರರಿಗೆ ಸಮಾಜದ ವತಿಯಿಂದ ಸತ್ಕರಿಸಿ ಕೃತಜ್ಞತೆಗಳನ್ನು ಸಲ್ಲಿಸಲಾಯಿತು

 

ಈ ಕಾರ್ಯಕ್ರಮದ ದಿವ್ಯ ಸಾನಿಧ್ಯವನ್ನು ನರನಾಳ ಮಠದ ಶಿವುಕುಮಾರ ಸ್ವಾಮಿ ಹಾಗೂ ಗೌರಿಗುಡ್ಡದ ರೇವಣಸಿದ್ಧ ಶರಣರು ವಹಿಸಿದರು ಪುರಸಭಾ ಅಧ್ಯಕ್ಷೆ ಜಗದೇವಿ ಗಡಂತಿ ಉಪಾಧ್ಯಕ್ಷೆ ಸುಲೋಚನಾ ಕಟ್ಟಿ ಸದಸ್ಯೆ ರಾಧಾಬಾಯಿ ಓಲಗೇರಿ ಜಗನ್ನಾಥ ನಾಟಿಕರ್ ಸಮಾಜದ ತಾಲೂಕಾಧ್ಯಕ್ಷ ಅನೀಲಕುಮಾರ ಜಮಾದಾರ ನಗರಾಧ್ಯಕ್ಷ ಚಂದ್ರಕಾಂತ ಘಾಲಿ ಮುಖಂಡ ಕೆ.ಎಮ್.ಬಾರಿ ರಾಜು ಪವಾರ ರವಿಕಾಂತ ಹೊಸಬಾವಿ ಶಾಮರಾವ ರಾಠೋಡ ಶ್ರೀನಿವಾಸ ಘಾಲಿ ಶರಣು ನಾಟಿಕರ್ ರೇವಣಸಿದ್ಧ ಚೇಂಗಟಿ ಮಲ್ಲು ಮೇಕಾನಿಕ್ ಸೇರಿದಂತೆ ಇತರರು ವೇದಿಕೆಯಲ್ಲಿದ್ದರು.