ಜೆಡಿಎಸ್ ಅಭ್ಯರ್ಥಿಯಿಂದ ಮುಲ್ಕಿಯ ಕಾರ್ನಾಡ್ ಪರಿಸರದಲ್ಲಿ ಮತ ಯಾಚಿಸಿ ಮಿಂಚಿನ ಸಂಚಾರ.

ವಿಧಾನಸಭಾ ಚುನಾವಣೆ : ಜೆಡಿಎಸ್ ಅಭ್ಯರ್ಥಿಯಿಂದ ಮುಲ್ಕಿಯ ಕಾರ್ನಾಡ್ ಪರಿಸರದಲ್ಲಿ ಮತ ಯಾಚಿಸಿ ಮಿಂಚಿನ ಸಂಚಾರ.

ಮಾ. 09 ಮೂಲ್ಕಿ-ಮೂಡುಬಿದಿರೆ ಕ್ಷೇತ್ರದ ಜೆಡಿಎಸ್ ಅಧ್ಯಕ್ಷೆ, ಪಕ್ಷದ ವಿಧಾನಸಭಾ ಅಭ್ಯರ್ಥಿಯಾದ ಡಾ. ಅಮರಶ್ರೀ ಅಮರನಾಥ ಶೆಟ್ಟಿಯವರಿಂದ ಮೂಲ್ಕಿ, ಕಾರ್ನಾಡುವಿನ ದರ್ಗಾ ರೋಡ್ ಹಾಗೂ ಅಮೃತಮಯಿ ನಗರದಲ್ಲಿ ಮುಂದಿನ ಚುನಾವಣೆಯಲ್ಲಿ ಮತಯಾಚಿಸಿ ಮಿಂಚಿನ ಸಂಚಾರ ನಡೆಸುತ್ತಾ ಮನೆ ಮನೆ ಭೇಟಿ ನೀಡಿ ಗ್ರಾಮಸ್ಥರ ಅಹವಾಲುಗಳನ್ನು ಸ್ವೀಕರಿಸಿದರು.

ಈ ಸಂಧರ್ಭದಲ್ಲಿ ಜೆಡಿಎಸ್ ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯಧ್ಯಕ್ಷರಾದ ಇಕ್ಬಾಲ್ ಅಹ್ಮದ್ ಮುಲ್ಕಿ, ಮೂಲ್ಕಿ ಬ್ಲಾಕ್ ಅಧ್ಯಕ್ಷರಾದ ಶಶಿಕಾಂತ್ ಶೆಟ್ಟಿ, ಮೂಲ್ಕಿ ಹಾಗೂ ಕ್ಷೇತ್ರದ ಜೆಡಿಎಸ್ ಮುಖಂಡರಾದ ನಿಸಾರ್ ಅಹ್ಮದ್ ಮುಲ್ಕಿ, ನೂರುಲ್ಲಾ ಶೇಕ್ ಕಿಲ್ಪಾಡಿ, ಸಲಾಂ, ಯುವ ಜೆಡಿಎಸ್ ಮುಖಂಡರಾದ ಆಸೀಫ್ ತೋಡಾರ್, ಅಸ್ಲಾಂ ಪುತ್ತೂಮೋನು, ಸಾಹಿಲ್, ಸಮೀರ್ ಮುಂತಾದವರು ಉಪಸ್ಥಿತರಿದ್ದರು.