ಶಿವರಾತ್ರಿ ಜಾತ್ರಾ ಮಹೋತ್ಸವ ಹೆಗ್ಗನದೊಡ್ಡಿ

ಯಾದಗಿರಿ ಜಿಲ್ಲೆಯ ಸುರಪುರ ತಾಲೂಕಿನ ಹೆಗ್ಗಣದೊಡ್ಡಿ ಹಾಗೂ ಗೋಡ್ರಿಹಾಳ ಗ್ರಾಮದ ಆರಾಧ್ಯ ದೈವ ಶ್ರೀ ಮರುಳಸಿದ್ದೇಶ್ವರ ಧರ್ಮರ ಮಠದ ಶಿವರಾತ್ರಿಯ ಅಂಗವಾಗಿ ಪೂಜ್ಯ ಮಾತೋಶ್ರೀ ನಿಜಲಿಂಗಮ್ಮ ತಾಯಿ ಪಟ್ಟದ ದೇವರು ನೇತೃತ್ವದಲ್ಲಿ ಶಿವರಾತ್ರಿ ಜಾತ್ರಾ ಮಹೋತ್ಸವದ ಪ್ರಯುಕ್ತ ದಿನಾಂಕ : 20-02-2023 ರಂದು ಸೋಮವಾರ ಶ್ರೀ ಮರುಳಸಿದ್ಧೇಶ್ವರ ದೇವರ ಕಾರ್ಯಕ್ರಮ, ದಿನಾಂಕ : 21-02-2023 ರಂದು ಮಂಗಳವಾರ ಬೆಳಗ್ಗೆ 6-00 ರಿಂದ 8-00 ಗಂಟೆಯವರೆಗೆ ಸದರು ಕಾರ್ಯಕ್ರಮ.ದಿನಾಂಕ : 22-02-2023 ರಂದು ಬುಧವಾರ ಮಧ್ಯಾಹ್ನ 1-00 ಗಂಟೆಗೆ ಭಾರ ಎತ್ತುವ ಸ್ಪರ್ಧೆ.

(ವಿಜೇತರಿಗೆ ಧರ್ಮರ ಮಠದ ವತಿಯಿಂದ ಪಟ್ಟ ಕಡಗವನ್ನು ಬಹುಮಾನವಾಗಿ ಕೊಡಲಾಗುವುದು.)

ದಿನಾಂಕ : 23-02-2023 ರಂದು ಗುರುವಾರ ಮುಂಜಾನೆ 6-00 ಗಂಟೆಯಿಂದ ಮುತ್ತೈದೆಯರ ಗಂಗಾಸ್ನಾನ, ರಾತ್ರಿ ಪೂಜ್ಯ ಶ್ರೀ ಮರುಳಸಿದ್ಧೇಶ್ವರ ದೇವರ ಪೂಜೆ ಹಾಗೂ ಡೊಳ್ಳನ ವಾದ್ಯ ಮೇಳ, ಮುತ್ತೈದೆಯರ ಉಡಿತುಂಬುವ ಕಾರ್ಯಕ್ರಮ. ದಿನಾಂಕ : 24-02-2023 ರಂದು ಶುಕ್ರವಾರ ಪೂಜ್ಯ ಮಾತೋಶ್ರೀ ನಿಜಲಿಂಗಮ್ಮ ತಾಯಿ ದೇವರ ದರ್ಶನ ಹಾಗೂ ಆಶೀರ್ವಾದ ಜರುಗುವುದು ಎಂದು ಮಠದ ಕಾರ್ಯಧ್ಯಕ್ಷರಾದ ರಾವ್ ಸಾಹೇಬ್ ಪಾಟೀಲ್ ತಿಳಿಸಿದ್ದಾರೆ.