ಜೀಲ್ಲಾ ಸುದ್ದಿಗಳು

ಬೀದರ ಮೇ 01 (ಅಂಬಿಗ ನ್ಯೂಸ್ ): ಬೀದರ ತಾಲೂಕಿನ ಸೋಲಪುರ ಗ್ರಾಮದ ಬೊಮ್ಮಗೊಂಡೇಶ್ವರ ವೃತ್ತದ ಹತ್ತಿರ ರಸ್ತೆ ಗಸ್ತು ಮಾಡುತ್ತಿರುವಾಗ ಟಾಟಾ ಇಂಡಿಗೊ ಸಿಎಲ್‌ಎಲ್ ಕಾರು ಶೋಧನೆ ಮಾಡಿದಾಗ ಕಾರಿನಲ್ಲಿ 15.6 ಲೀಟರ್ ಬೀರ್ ಪತ್ತೆಯಾಗಿದ್ದು ಆರೋಪಿಯು ಪರಾರಿಯಾಗಿರುತ್ತಾನೆ. ಅಕ್ರಮ ಮದ್ಯ ಹಾಗೂ ವಾಹನ ಜಪ್ತಿಪಡಿಸಿಕೊಂಡು ತಲೆಮರೆಸಿಕೊಂಡಿರುವ ಆರೋಪಿ ವಿರುದ್ಧ ಅಬಕಾರಿ ನಿರೀಕ್ಷಕರು ಬೀದರ ವಲಯ ರವರು ಪ್ರಕರಣ ದಾಖಲಿಸಿರುತ್ತಾರೆ. ಅಬಕಾರಿ ನಿರೀಕ್ಷಕರು ಬೀದರ ವಲಯ ಹಾಗೂ ವಲಯ ಸಿಬ್ಬಂದಿ ಮತ್ತು ಅಬಕಾರಿ ನಿರೀಕ್ಷಕರು, ಅಬಕಾರಿ ಉಪ ಆಯುಕ್ತರ ಕಚೇರಿ ಬೀದರ ಜಿಲ್ಲೆ ಹಾಗೂ ಸಿಬ್ಬಂದಿ ಮತ್ತು ಪಂಚರ ಜೊತೆಗೂಡಿ ಈ ದಾಳಿ ನಡೆಸಿದ್ದರು.
ಬಸವಕಲ್ಯಾಣದಲ್ಲಿ ಕೂಡ ದಾಳಿ: ಬಸವಕಲ್ಯಾಣ ತಾಲೂಕಿನ ಉಜುಳಂಬ ಗ್ರಾಮದ ಹತ್ತಿರ ರಸ್ತೆ ಗಸ್ತು ಮಾಡುತ್ತಿರುವಾಗ ಎರಡು ದ್ವಿಚಕ್ರ ವಾಹನದಲ್ಲಿ 60 ಲೀಟರ್ ಕಳ್ಳಬಟ್ಟಿ ಮತ್ತು 7.560 ಲೀಟರ್ ಮಹಾರಾಷ್ಟ್ರ ಮದ್ಯವನ್ನು ಸಾಗಿಸುತ್ತಿದ್ದ ದ್ವಿಚಕ್ರ ಶೋಧನೆ ಮಾಡಿದಾಗ ಕಳ್ಳಬಟ್ಟಿ ಮತ್ತು ಮಹಾರಾಷ್ಟ್ರ ಮದ್ಯ ಪತ್ತೆಯಾಗಿದೆ. ಆರೋಪಿಯು ಪರಾರಿಯಾಗಿದ್ದು, ಅಕ್ರಮ ಮದ್ಯ ಹಾಗೂ ವಾಹನ ಜಪ್ತಿಪಡಿಸಿಕೊಂಡು ತಲೆಮರೆಸಿಕೊಂಡಿರುವ ಆರೋಪಿಗಳ ವಿರುದ್ಧ ಅಬಕಾರಿ ನಿರೀಕ್ಷಕರು ಬಸವಕಲ್ಯಾಣ ವಲಯ ಇವರು ಪ್ರಕರಣ ದಾಖಲಿಸಿದ್ದಾರೆ.
ಬಸವಕಲ್ಯಾಣ ವಲಯದ ಅಬಕಾರಿ ನಿರೀಕ್ಷಕರು ಮತ್ತು ಸಿಬ್ಬಂದಿ ಮತ್ತು ಅಬಕಾರಿ ನಿರೀಕ್ಷಕರು, ಅಬಕಾರಿ ಉಪ ಆಯುಕ್ತರ ಕಚೇರಿ ಬೀದರ ಜಿಲ್ಲೆ ಹಾಗೂ ಸಿಬ್ಬಂದಿ ಮತ್ತು ಪಂಚರ ಜೊತೆಗೂಡಿ ಈ ದಾಳಿ ನಡೆಸಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.